تیره اونۍ په ۸ ولایتونو کې د ۱۵ ښوونځیو جوړولو کار پیل شو
د کلیو بیا رغونې او پراختیا وزارت د ولسي تړون پروګرام د اقرا پروژې تر سیوري لاندې په ۸ ولایتونو کابل، بلخ، کندهار، هرات، فاریاب، هلمند، بادغیس او ننګرهار کې د ۱۵ ښوونځيو جوړولوکار پیل شو. دا ښوونځي د کابل ولایت په استالف او شکر دره، د کندهارولایت په سپین بولدک او میوند، د ننګرهار ولایت په خوګیاڼیو او چپرهار، د هلمند په ګرشک، د بلخ ولایت په بلخ، د فاریاب په خان چراغ او قرغان د هرات ولایت په پښتون زرغون او ګازرګاه او د باغیس په مقرولسوالیو کې جوړیږي. یاد ښوونځي به ۶، ۸ یا ۱۲ ټولګي، تشنابونه او د څښاک د اوبو څاه ګانې ولري. د دې پروژو په پیل سره سلګونه کاري ورځې رامنځ ته شوي او په بشپړتیا سره به یې د نږدې ۳ زره کورنیو زده کونکو ته د ښوونې او روزنې وړ چاپیریال رامنځ ته شي.
