د ننګرهار د کلیو بیا رغونې او پراختیا ریاست له لوري د ۱۰ کیلومتره سرک د حفظ او مراقبت چارې پیل شوې
د کلیو بیارغونې او پراختیا وزارت د کلیوالي لارو جوړولو ملی پروګرام (NRAP) له لوري دڅلور نیم میلونه افغانیو په لګښت د ننګرهار ولایت په غني خیلو ولسوالۍ کې د ۱۰ کیلو مترو په اوږدوالي سره د یوه سرک د حفظ او مراقبت چارې پیل شوې .
د ننګرهار د کلیو بیارغونې او پراختیا رییس انجینر مجیب الرحمن ضیاء وویل دغه سرک د غني خیلو ولسوالۍ له ګولايي سیمې څخه پيل او سیاه چوب پورې لس کیلومتره اوږدوالی لري چې د کلیو بیا رغونې او پراختیا وزارت د کلیوالي لارو جوړولو ملي پروګرام له لوري به یې د راتلونکو درې میاشتو په ترڅ کې د ترمیم ، حفظ او مراقبت چارې ترسره شي . چی په سیمه کی به بې روزګاره کسانو ته په سلګونو کارې ورځې هم رامنځ ته کړي.
