په تخار ولایت کې د څه باندې ۱،۷ ميلیونه افغانیو په ارزښت کرنیز ځمکو د اوبو کولو کانال د جوړولو کار بشپړشو
د کلیو د بیا رغونې او پراختیا وزارت د ولسي تړون ملي پروګرام له لوري د څه باندې ۱،۷ ميليونه افغانیو په ارزښت د یو کرنیز کانال د جوړولو کار د تخارولایت د ورسج ولسوالۍ د پنج په کلي کې بشپړ اوګټې اخیستنې ته وسپارل شو. دغه کانال ۳۵۱ متره اوږدوالی لري. د نوموړې پروژې د کار په بهیر کې فني او غیر فني کاریګروته ۱۴۳۷ کاري ورځې رامنځته شوې او همدا اوس دغه کانال د خلکو ۱۰۰جریبه کرنیزه ځمکه خړوبوي چې ۴۴ کورنۍ ترې ګټه اخلي.
