په لوګر کې د کلیو بیارغونې او پراختیا وزارت د سیمه ییز پروګرام د فعالیتونو لنډ راپور

د کلیو د بیا رغونې او پرمختیا وزارت سیمه ییز پروګرام له 2015 زیږدیځ کال را پدیخوا د 213,595,277 افغانیو په ارزښت 39 عام المنفعه پروژې د لوګر ولایت په بیلابیلو سیمو کې تطبیق کړي چې 25 دغه پروژې بشپړې او 14 نورې یې د بشپړیدو په حال کې دي.
د دغو پروژو په لړ کې چې 23 یې له ملي بودیجې او 16 یې د نړیوال آسیايي بانک له لوري تمویل شوي 104,689 کاري ورځې رامنځته او 80,169 ځايي اوسیدونکي لدغو پروژو هر اړخیزه ګټه پورته کوي.
د دغو پروژو د تطبیق پر مهال استنادي دیوالونه، د اوبو لګولو سربندونه او کانالونه، ټرانسپورټي پلونه او سړکونه جوړ شویدي.
د یادونې وړ ده چې دغو پروژو د ځايي اوسیدونکو د ټولنیز ژوندانه په بیلابیلو اړخونو کې د پام وړ مثبت خپل اغیز شیندلی دی.