په کندهار کې ۵۰۰۰ کليوالوته د کرونا وایروس څخه د خوندیتوب په پار د ۱۰ زره چکیو ډیټول صابون د ویش لړۍ پیل شوه
۵۰۰۰ کلیوالو ته د کرونا ویروس څخه د خوندیتوب په پار د ۱۰ زره چکیو ډیټول صابون د ویش لړۍ د کندهار ولایت په پنجوایي ولسوالۍ کې د ولسي تړون ملي پرو ګرام لخوا پیل شوه. دغه مرسته په نوموړې ولسوالۍ کې د ۱۴۹۲ پراختیایي شوراګانو ډیرو بې وزلو کورنیو ته ۲۹۸۴ چکۍ صابون او د دې شوراګانو د روغتیایي کمیټو ۳۵۰۸ غړو ته ۷۰۱۶ چکۍ صابون د ویش سره سره به د کرونا ویروس څخه د ځان ساتنې په موخه د عامې روغتیا وزارت د لارښود سره سم د پنجوایي ولسوالۍ په ټولو کلیو کې عملي لارښوونې هم وشي. د یادونې وړ ده چې د دغه ولایت د برنامې ولایتي واحد دفتر د کلیو د بیارغونې او پراختیا ریاست په همغږۍ له یونسیف ادارې څخه یاد شمیر ډیټول صابون تر لاسه کړی چې کلیوالو ته به د کرونا وایروس څخه د ځان ساتنې لپاره وویشل شي.
