په کندهار کې د ۰۶، ۳۵ کیلو واټو په ظرفیت د لمريزې برېښنا د توليد یوه شبکه جوړه شوه
د کلیو بیارغونې او پراختیا وزارت د ولسي تړون ملي پروګرام له لوري د کندهار ولایت سپین بولدک ولسوالۍ د راز محمد پراختیایي شورا لخوا د څه باندې ۹ میلیونه افغانیو په ارزښت د ۰۶، ۳۵ کیلو واټو په ظرفیت سره د لمریزې برېښنا د شبکې د جوړولو کار بشپړ شویدی. په دې شبکه کې ۱۹۸ تختې ۲۷۵ واټه سولري هېندارې او۲۰۰ امپیره ۱۰۸ بطریو پر نصب سربېره ۸۵۸۴ متره تار غځېدلی دی. د دغه پروژې د جوړېدو په بهیر کې ماهرو او غیرو ماهرو کاریګرو ته ۱۱۵۱ کاري ورځې رامنځته شوېدي او ۲۹۸ کورنۍ ترې گـټه پورته کوي.
