په کندهار کې د اوبو لګولو د ۶ کیلو متره کانال د جوړولو کار روان دی
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له خوا د کندهار ولایت د ژیړۍ ولسوالۍ په چهار شاخه او میراخور کلیو کې د اوبه خور د ۶ کیلو متره کانال، ۱۶۹ متره سربند او ۳۶۰ متره محافظتي دیوال د جوړولو کار ۵۰ سلنه مخکې تللی.
د دې پروژې په ترڅ کې زرګونه کاري ورځې رامنځ شوي او تر بشپړتیا وروسته به یې ۳۰ زره کسان له ګټو برخمن شي.
یاده دې وي چې دا پروژه ۲۷ زره او ۵۰۰ جریبه کرنیزه ځمکه او د سیمې باغونه د اوبه خور تر منظم پوښښ لاندې راولي.
