په کندهار کې څه باندې د ۸ میلیونه او ۴۰۰ زرو افغانیو په لګښت د دوو لمړنیو ښوونځیو د جوړولو کار پیل شو
د کلیو د بیارغونې او پراختیا وزارت د ولسي تړون ملي پروګرام له لوري څه باندې د ۸ میلیونه او ۴۰۰ زرو افغانیو په لګښت د دوو لمړنیو ښوونځیو د جوړولو کار د کندهار ولایت د تخته پل اوپنجوایي ولسوالیو د امير محمد تورکوتل او کوشکک په کلیو کې پیل شو. یاد ښوونځي چې ۶ او ۸ درسي خونې، درې درې تشنابونه او د څښاک د پاکو اوبو څاه ګانې لري. د دغو پروژو د کار په بهیر کې، ۱۴۲۰ کاري ورځې ماهرو او غیر ماهروکاریګرو ته رامنځته شي او د نوموړو ولسوالیو ۶۱۰ زده کوونکو ته به د زده کړو ښه چاپیرل برابر کړي.
