په کندهار ولایت کې له ۲۹ اړو کورنیو سره د څه باندې ۶۸ زره افغانيو په ارزښت د خوراکي توکو مرسته وشوه
د کلیو بیارغونې او پراختیا وزارت د ولسي تړون ملي پروګرام د غله جاتو د بانک له لوري له ۲۹ اړو کورنیو سره د څه باندې ۶۸ زره افغانيو په ارزښت د کندهار ولایت د سپین بولدک ولسوالۍ اړوند د مریاڼو پراختیایي شورا لخوا د خوراکي توکو مرستې وشوې. دغه مرستې د ولسي تړون د ټولنیز ګډون لپاره د مالي وجهې پروګرام (SIG) لخوا چې د خلکو ونډه هم پکې شامله وه، کلیوالو ته وړاندې شوې. پدې مرستو کې اوړه، غوړي او بوره شامله وه. دیادونې وړ ده چې پدې وروستیو کې د کرونا ویروس له امله د ولسي تړون ملي پروګرام د غله جاتو د بانکونو فعالیتونه ډیر شویدي چې د بې روزګارۍ او موسمي لوږې په موده کې د کلیو د شتمنو خلکو لخوا د اړو کسانو د لاسنیوي کلتور خپور شي.
