په کندهار ولايت کې د اوبو لګولو د کاريز د پروژې کار مخ ته تللي دي
د کليو د بيا رغونې او پرمختيا وزارت د سيمه ييز پروګرام له لوري په کندهار ولايت کې د اوبو لګولو د کاريز د پروژې کار چې څه باندې ۸ ميليونه افغانۍ لګښت لري ۴۰ سلنه مخ ته تللي دي. د دغې پروژې په لړ کې چې د ماليې وزارت له لوري تمويل شوې د ياد ولايت د ميوند ولسوالي په خاک چوپان کلي کې د ۷۶۲ مترو په اوږدوالي د اوبو لګولو د کاريزکانال، څاه ګانې، او د اوبو لګولو زيرمتون په پاخه ډول رغول کيږي. د يادې پروژې د تطبيق د بهير پر مهال ۲۴۱۸ کاري ورځې رامنځته کيږي چې له بشپړيدو وروسته به د سيمې ۱۷۵۰ کسه ترې ګټه پورته کړي او ۱۰۰ جريبه کرنيزه ځمکه به د اوبه کولو تر منظم پوښښ لاندې راشي.
