په کندز کې د ۳ میلیونو افغانیو په ارزښت دوه پرمختیايي پروژې بشپړې شوې
د افغانستان د خپلواکۍ د سلمې کلیزې د لمانځنې په ویاړ د کلیو بیا رغونې او پرمختیا وزارت د ولسي تړون پروګرام له خوا د کندز د علي اباد ولسوالۍ په حاجي حفیظ کلي او د ولایت د مرکز په ترکمنانو کلي کې، د نږدې ۳ میلیونو افغانیو په ارزښت دوه پروژې بشپړې او ګټې اخستنې ته وسپارل شوې.
له دغو دوو پروژو یوه یې د ۲.۲ کیلو متره سړک کانکریټول او بله یې د ۱۳ څاګانو ایستل او د اوبو رسولو یوه شبکه رامنځ ته کول وو.
۵۳۹ کورنۍ د پروژو په بشپړتیا سره له ګټې برخمنې شوې.
