په کندز کې د ۳.۹ میلیونه افغانیو په لګښت یو سړک جوړ او ګټې اخيستنې ته وسپارل شو
د کلیوبیارغونې اوپراختیا وزارت د ولسي تړون ملي پروګرام د څارنې، ساتنې او ودانۍ له پاره د پراختیایي نغدي وجهې پروګرام (MCCG) برنامې له لوري د کندز ولایت مرکز اړوند د بته کشان سیمه کې د ۳.۹ میلیونه افغانیو په لګښت د ۷.۵ کيلو متره اوږد اود ۵.۳ متره پلن یو سړک جوړ او ګټې اخستنې ته وړاندې شو.
په دې پروژه کې پرسړک شګې اچول او د ځینو برخو ډ کول شامل و. چې په جوړېدو سره يې ۴۸۶ کورنيو ته د تګ راتګ آسانتیا برابره شوه، او ځایي تخنیکي او نا تخنیکي کاریګرو ته یې ۶۸۰۵ کاري ورځې رامنځته کړي دي.
