په کاپیسا کې د ۳ میلیونه افغانیو په ارزښت د اوبو رسولو د یوې شبکې کار روان دی
د کلیو بیا رغونې او پراختیا وزارت د اوبو رسولو او کلیوالي حفط الصحې ملي پروګرام له لوري د کاپیسا ولایت د مرکز په زراعت عاشقان باغ امیر کلي کې د ۳ میلیونه افغانیو په ارزښت د اوبو رسولو د یوې شبکې کار روان دی.
دا شبکه په سولر سیسټم سنباله ده چې د ۱۰ مترمکعبه په کچه یوه د اوبو زیرمه، ۱۴ تختې سولره، ۱۹۵۱ متره پایپ او د احاطې دیوال لري.
باید ووایو چې د دې پروژې په جوړولو سره به د سیمې ۵۶۱ تنه وګړي د څښاک له پاکو او صحي اوبو برخمن شي.
