په کابل کې د ۵.۳ میلیونه افغانیو په لګښت درې پرمختیایي پروژې بشپړې شوې
د کلیو بیارغونې او پراختیا وزارت د ولسي تړون ملي پروګرام له لوري د کابل ولایت د ګلدرې ولسوالۍ په شامیر پاین او ګودري کلیو کې د ۵. ۳ میلیونه افغانیو په لګښټ درې پروژې چې د اوبو رسولو د یوې شبکې جوړول، داوبه خور ۷۴۰ متره کانال جوړول او د څښاک داوبو درې ۵۰ متریزه څاه ګانو کیندل په کې شامل وو بشپړې او ګټې اخستنې ته وسپارل شوې.
ددې پروژو په بشپړیدو ۱۰۰۰ جریبه کرنیزه ځمکه د اوبه خور تر منظم پوښښ لاندې راغلې او ۱۳۲ کورنیو د څښاک پاکو اوبو ته لاسرسی موندلی دی.
