په کابل کې د ۱۷ میلیونه افغانیو په ارزښت د اوبه خور درې کانالونه جوړ شول
د کلیو بیا رغونې او پراختیا وزارت د سیمه ییزو پروګرامونو د همغږۍ ددفتر له خوا د کابل ولایت د شکر درې ولسوالۍ په قلعه عزت، صفر خیلو او قولاب کلیو کې په ټولیزه توګه د څه باندې ۱۷ میلیونه افغانیو په ارزښت د اوبه خور درې کانالونه جوړ او ګټې اخیستنې ته وسپارل شول. دا کانالونه ۸۹۵ متره، ۴۴۲ متره او ۴۳۰ متره اوږده دي چې د جوړیدو په ترڅ کې یې ۳۸۶۰ کاري ورځې رامنځ ته شوې وې. باید ووایو چې یادو کانالونو ۲۱۹۵ جریبه کرنیزه ځمکه د اوبه خور تر منظم پوښښ لاندې راوسته او ۲۲۷۰ کورنۍ یې له ګټو برخمنې شوې.
