په کابل کې د ۱۲.۴ میلیونو افغانیو په ارزښت د اوبو رسولو دوه شبکې بشپړې شوې
د کلیو بیا رغونې او پراختیا وزارت له لوري او د داکار موسسې په مالي ملاتړ د کابل ولایت د بګرامیو ولسوالي په شاکر احمد او لوګریان کلیو کې د ۱۲.۴ میلیونو افغانیو په ارزښت د اوبو رسولو دوه شبکې بشپړې شوې.
نوموړې شبکې د ۶.۸ کیلومتره او ۵۳۰ متره اوږدوالی لري، چې تخنیکي او ناتخنیکي کاریګرو ته په سلګونو کاري ورځې رامنځته شوې دي.
ویل شوي دې، چې ددغو پروژو څخه ۳۳۰ کورنۍ په احمد شاکر او ۲۵۰ کورنۍ په لوګریان کلیو کې برخمنې شوې او پاکو اوبو ته یې لاس رسی پیدا کړی دي.
