په پکتیا کې د ۳.۵ میلیونه افغانیو په ارزښت د اوبو رسولو یوه شبکه بشپړه شوه
د کلیو بیا رغونې او پراختیا وزارت د اوبو رسولو او کلیوالي حفظ الصحې پروګرام له خوا د پکتیا د مرکز ګردیز په رباط سیمه کې د ۳.۵ میلیونه افغانیو په ارزښت د اوبو رسولو یوه سولري شبکه بشپړه او ګټې اخیستنې ته وسپارل شوه.
دا پروژه یوه ژوره څاه، یو محافظوي دیوال، د ۳۰ متره مکعبو په کچه د اوبو یوه زیرمه، ۳۲ نلکې او نور اړوند وسایل لري په دې ترڅ کې تخنیکي او نا تخنیکي کارګرو ته سلګونه کاري ورځې هم رامنځ ته شوې وې.
باید ووایو چې ددې شبکې په بشپړتیا سره ۱۵۰ کورنۍ، درې جوماتونه، یوه لویه دیني مدرسه د څښاک له پاکو او صحي اوبو برخمن شول.