په پکتیا ولایت کې د یو محافظوي د یوال د جوړیدو کار بشپړ او ګټې اخستنې ته وسپارل شو
د کلیو بیارغونې او پراختیا وزارت د ولسي تړون ملي پروګرام له لوري د ۱،۴ میلیونه افغانیو په ارزښت د ۱۷۰ مترو په اوږدوالي د یو محافظوي دیوال د جوړیدو کار د پکتیا ولایت په احمد آباد ولسوالۍ کې بشپړ او ګټې اخستنې ته وسپارل شو.
دغه محافظوي دیوال د یادې ولسوالۍ د محمد علي خیلو پراختیایي شورا له خوا جوړ شوی دی. د دې پروژې د جوړیدو په بهیر کې تخنیکي او ناتخنیکي کاریګرو ته ۶۳۱ کاري ورځې رامنځته شوې وې.
دا دیوال به د سیمې ۳۰۰ جریبه ځمکه د سیلابونو له ګواښ څخه خوندي کوي. د یادونې وړ ده، چې د پروژې په بشپړېدو سره به د نوموړې ولسوالۍ به ۶ کلي ترې ګټه اخلي.
