په پنجشیر کې د ۲.۲ میلیونه افغانیو په ارزښت د اوبو د بریښنا یوه شبکه جوړه شوه
د کلیو بیا رغونې او پراختیا وزارت د ولسي تړون ملي پروګرام له لوري د پنجشیر ولایت د ابشار ولسوالۍ په محمد حشم کلي کې د ۲.۲ میلیونه افغانیو په ارزښت د اوبو د بریښنا یوه وړه شبکه جوړه او ګټې اخیستنې ته وسپارل شوه.
دا شبکه د ۸ کیلو واټه بریښنا د تولید وړتیا لري او په جوړیدو سره یې ۷۰ کورنیو د اوبو بریښنا ته لاسرسی پیدا کړ.
یاده دې وي چې ددې پروژې په ترڅ کې تخنیکي او نا تخنیکي کارګرو ته ۹۴۵ کاري ورځې رامنځ ته شوې وې.
