په پنجشیر ولایت کې د پراختايي شوراګانو ۴۶ کورنیو غړو ته د کرونا ویروس په هکله عامه پوهاوی ورکړل شو
د کلیو بیا رغونې او پراختیا وزارت د ولسي تړون ملي پروګرام له لوري او د عامې روغتیا وزارت د لارښود سره سم د پنجشیر ولایت د رخې ولسوالۍ د اسپانیا او یبدیا کلیو د پراختیایي شوراګانو ۴۶ تنو کورنیو غړو ته د کرونا ویروس په هکله عامه پوهاوی ورکړل شو. په دغه کمپاین کې د کاسا ۱۰۰۰ حمایتی پروګرام د ټولنیزو کارمندانو په ملګرتیا د شوراګانو غړو ته د کرو نا ویروس د وقایې، د لیږد د مخنیوي د لارو چارو او د ویروس د خطرونو څخه د ځان ساتنې په هکله لازم مالومات وړاندې شول. دوی هم د ولسي تړون ملي پروګرام له لوري د کرونا په اړه د عامه پوهاوي هرکلی و کړ او ژمنه یې و کړه چې په خپله سیمه کې به د کرونا ویروس د مخنیوي په هکله خپل مسؤولیت ادا کړي.
