په پروان کې د څه باندې ۲ میلیونه افغانیو په ارزښت د دوو پرمختیايي پروژو کار روان دی
د کلیو بیا رغونې او پراختیا وزارت د سیمه ییز پروګرام له لوري د پروان ولایت د سرخ پارسا ولسوالۍ په شینه کلي او هم د پروان ولایت د شینوارو ولسوالۍ په قلعه بای کلي کې د څه باندې ۲ میلیونه افغانیو په ارزښت د دوو پروژو کارونه ۱۵ سلنه او ۹۰ سلنه مخکې تللي.
د دې پروژو په ترڅ کې چې د IFAD له بودیجې تمویلیږي کانال د اوبه خور سربند او یو محافظوي دیوال جوړیږي.
د دې پروژو په ترڅ کې ۶۵۴۵ کاري ورځې رامنځ ته شوي چې په بشپړتیا سره به یې ۲۴۰۸ تنه سمه ییز خلک له ګټو برخمن شي.
یاده دې وي چې ددې پروژو په پلي کیدا سره به ۶۰۰ جریبه کرنیزه ځمکه د اوبه خور تر منظم پوښښ لاندې راشي او د هستوګنې ګڼ کورونه او کرنیزې ځمکې به د سیلاب له ګواښونو هم خوندي شي.
