په هرات کې د کليو د پراختیایي شورا ګانو غړو ته د کرونا وايروس په اړه عامه پوهاوی ورکړل شو
د کلیو د بیا رغونې او پراختیا وزارت د ولسي تړون ملي پروګرام له لوري او د عامی روغتیا وزارت د لارښود له مخې د هرات ولایت د پشتون زرغون ولسوالۍ اړوند د سفیدان سفلی او سفیدان علیا کلیو کې د کرونا وايروس په اړه کمپاین ترسره شو. په دغه کمپاین کې د کرونا وایروس ناروغانو د نښو ، له هغې څخه د ځان ساتنې او د وايروس د لیږد د مخنیوي د لارو چارو او د روغتیایي اصولو په پام کې نیولو په برخو کې لازم پوهاوی ورکړل شو د پراختيايي شورا ګانو غړو ژمنه وکړه چې دا معلومات به د پشتون زرغون ولسوالۍ له اوسیدونکو سره شریک کړي.
