په نیمروز ولایت کې د پور او سپما د کلیوالي اتحادیو او سپما ګروپونو جوړول ترسره شول
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام، د نیمروز ولایت په زرنج ښار او چهار برجک ولسوالۍ کې ۹۲۹ سپما ګروپونه د ۹۰۷۵ کلیوالو مېرمنو او نارینهو په غړیتوب سره جوړ کړي دي.
یادو ګروپونو د خپلو منظمو اونیزو غونډو په ترڅ کې وکولای شول، چې نږدې ۷۶۴.۹۶۶ زره افغانۍ وسپموي او له دې پيسو څخه ۴۵۲،۲۷۰ افغانۍ د پور په توګه خپلو غړیو ته د کوچنیو او منځنیو تشبثاتو د پيل په موخه ورکړي.
همدا راز، په دې ولایت کې تراوسه د پور او سپما ۳۴ کلیوالي اتحادیې جوړې شوي، چې ۸۳۶ کتابونه او د پیسو د سپما په موخه بکسونه هم د پروګرام لهخوا ویشل شوي دي.
