په ننگرهار کې ۳ میلیونه افغانیو په ارزښت د استنادي دیوال پروژه ګټې اخیستنې ته وسپارل شوه
په ننګرهار ولایت کې د کلیو د بیا رغونې او پرمختیا وزارت د سیمه ییز پروګرام له لوري د استنادي دیوال پروژه ګټې اخیستنې ته وسپارل شوه.
د دغې پروژې په ترڅ کې د یاد ولایت د کوټ ولسوالي په کوز باراخیل کلي کې د نږدې ۳ میلیون افغانیو په ارزښت د ۲۰۰ مترو په اوږدوالي استنادي دیوال جوړ شویدی.
د دغې پروژې د تطبیق پر مهال چې له ملي بودیجې تمویل شوې ۲۲۲۶ کاري ورځې رامنځته شوي او اوس چې بشپړه شوې د سیمې ۹۳۸ اوسیدونکي ترې ګټه پورته کوي.
د یادونې وړ ده چې د دغې پروژې له لارې د سیمې ګڼ شمیر کورونه او کرنیزې ځمکې د سیلابونو له زیان څخه خوندي کړل شویدي.
