په ننګرهار کې د ۸۹۸ متره استنادي دیوال د جوړیدو هوکړه لیک لاسلیک شو
د ننګرهار ولایت د کلیو بیارغونې او پراختیا رییس انجینر امان االله میاخیل او د کوټ ولسوالۍ د انځربند خانخیل شورا ترمنځ ۱۹.۶ میلونه افغانیو په ارزښت د یوه استنادي دیوال د جوړیدو هوکړه لیک لاسلیک شو.
دغه استنادي دیوال د کلیو بیارغونې او پراختیا وزارت د سیمه ییزې پراختیا Regional Program له لوري په دوه برخو کې جوړیږي چې لومړۍ برخه یې ۴۹۱ متره او دویمه برخه یې ۴۰۷ متره اوږدوالی لري چی په جوړیدو سره به یې په یاده سیمه کې سلګونه جریبه ځمکه د سیلابونو له خطره خوندي شي دغه راز به ددې پروژې په پیل سره د سیمې لسګونو اوسیدونکو لپاره لنډمهاله کاري فرصتونه هم رامنځ ته شي.
