په ننګرهار کې د ۵.۶ میلیونه افغانیو په ارزښت ۲۵۰ کورنیو ته د څښاک پاکې اوبه برابریږي
د ننګرهار کلیو بیارغونې او پراختیا ریاست ترچترلاندې د کوار موسسې له لوري د یونیسیف UNICEF په مالي مرسته د اوبو رسولو د یوې شبکې د جوړیدو چارې مخ په بشپړیدو دي چې ۲۵۰ کورنیو ته به د څښاک پاکې اوبه برابرې کړي.
داوبو رسولو دغه شبکه د ۱۳۶ مترو په ژوروالي یوه څاه ، د ۱۶ متره مکعبه په ظرفیت سره د اوبو یوه زیرمه او ۱۵ نلکې لري چی د یونسیف په مالي مرسته د ۵،۶ میلونه افغانیو په لګښت د کوار موسسې لخوا جوړه شوې ده . ددې پروژې چارې په سلو کې ۹۵ بشپړې شوي او پاتې چارې به یې هم ډیرې ژر بشپړې او د ګټې اخیستنې وړ به وګرځي.
