په ننګرهار کې د ۳.۲ میلیونه افغانیو په ارزښت د اوبو رسولو د یوې شبکې جوړولو هوکړه لیک لاسلیک شو
د ننګرهار د کلیو بیا رغونې او پراختیا ریاست او د خوږیاڼو ولسوالۍ د بربهار حاجیانو شورا ترمنځ د ۳.۲ میلونه افغاینو په ارزښت د څښاک اوبو رسولو د یوې پروژې هوکړه لیک لاسلیک شو چې د پروژې په بشپړیدو سره به ۲۸۰ کورنۍ له پاکو او صحي اوبو برخمنې شي.
د څښاک اوبو رسولو د غه شبکه نږدې دوه کیلو متره اوږدو والی ، د ۴۰ مترو مکعبو په ظرفیت سره د اوبو ذخیره او یوه ژوره څاه لري چې د کلیو بیارغونې او پراختیا وزارت د اوبو رسولو او کلیوالي حفظ الصحې ملي پروګرام RU-WATSIP له لوري په شپږو میاشتو کې جوړیږي.
ددې شبکې په جوړیدو سره ۲۸۰ کورنیو ته د څښاک پاکو او بو برابریدو سربیره خلکو ته د کار کولو زمینه هم برابریږي.
