په ننګرهار کې د ۲ میلیونه افغانیو په ارزښت ۶۵۰ متره فرعي سړک جوړ شو.
د کلیو بیارغونې او پراختیا وزارت د ولسي تړون ملي پروګرام د څارنې، ساتنې او جوړونې لپاره د پراختیایي نغدي وجهې پروګرام (MCCG) برنامې په مالي ملاتړ د ننګرهار ولایت د شینوارو ولسوالۍ اړوند راغه کلي کې د څه باندې ۲ میلیونه افغانیو په ارزښت ۶۵۰ متره فرعي سړک جوړ شو.
د دغې پروژې په ترڅ کې د سیمې تخنیکي او ناتخنیکي کاریګرو لپاره ۳۶۸۰ کاري ورځې برابرې شوې.
د یادونې وړده چې چې د ننګرهار ولایت په شینوارو ولسوالۍ کې د څارنې، ساتنې او جوړونې لپاره د پراختیایي نغدي وجهې پروګرام (MCCG) برنامې له لوري په بیلا بیلو سکتورنو کې ۹۵ پروژې منظورشوي چې یو شمیر یې تکمیل او پاتې نورې به يې ډیر ژر بشپړې شي.
