په ننګرهار کې د ۲۴۲ مترو په اوږدوالي استنادي دیوال د جوړولو کار روان دی
د کلیو بیا رغونې او پراختیا وزارت د سیمه ییز پروګرامونو د همغږی دفتر له لوري د ننګرهار ولایت د دبالا ولسوالۍ په خرکني کلي کې د ۲۴۲ مترو په اوږدوالي د استنادي دیوال چارې ۶۵ سلنه مخکې تللې دي.
د یادې پروژې د تطبیق پر مهال کاریګرو ته ۳۹۵۲ کاري ورځې رامنځته شوې او په بشپړیدو به یې د سیمې ۱۷۵۰ اوسیدونکي ترې ګټه پورته کړي. د یادونې وړ ده، چې د دغې پروژې په بشيړیدو به د سیمې سلګونه جریبه کرنیزه ځمکه او ګڼ شمیر کورونه د سیلابونو له زیان څخه خوندي کړل شي.
