په ننګرهار کې د ۱.۲۶ کیلومتره اوږد محافظوي دیوال د جوړولو کار روان دی
په ننګرهار ولایت کې د کلیو د بیا رغونې او پراختیا وزارت د سیمه ییز پروګرام له لوري د محافظوي دیوال د جوړولو کار ۸۳ سلنه مخ ته تللی دی. د دغې پروژې په ترڅ کې د یاد ولایت د بټي کوټ ولسوالي په چهاردهي کلي کې د ۱.۲۶کیلومترو په اوږدوالي محافظوي دیوال په پاخه ډول جوړیږي.
د یادې پروژې د تطبیق پر مهال چې له ملي بودیجې تمویل شوې ۱۰۵۸۳ کاري ورځې رامنځته کیږي او په بشپړیدو به یې د سیمې ۱۸۲۰ اوسیدونکي ترې ګټه پورته کړي. د یادونې وړ ده چې د دغې پروژې په بشيړیدو به د سیمې سلګونه جریبه کرنیزه ځمکه، باغونه او ګڼ شمیر کورونه د سیلابونو له زیان څخه خوندي شي
