په ننګرهار ولایت کې د کلیوالي اقتصاد د پياوړتیا ملي پروګرام لهخوا د مقطعي پانګې وېش ترسره شو
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام د ننګرهار ولایت د بهسود ولسوالۍ په ملنګ جان پرمختیایې شورا کې د پور او سپما یوې ښځینه کلیوالي اتحادیې ته چې ۴۹ مېرمنې په ۷ سپما ګروپونو کې راټولې شوي، څه دپاسه ۱۵۰۹۲۰ افغانۍ مقطعي پانګه د دوهم قسط په توګه ووېشله.
د یادونې وړ ده، چې د ننګرهار ولایت د بهسود ولسوالۍ په ټولو پرمختیایې شوراګانو کې سپما ګروپونو، د پور او سپما کلیوالي اتحادیو ته د پروګرام لهخوا ورکړل شوې مرستې د اقتصادي چارو د پياوړتیا، د کوچنیو او منځنیو تشبثاتو د پيل او پیاوړتیا په موخه کارول کیږي.
