په ننګرهار ولایت کې د پاکو اوبو رسولو د یوې شبکې د جوړیدو قرارداد لاسلیک شو
د کلیو بیا رغونې او پراختیا وزارت د اوبو رسولو او حفظ الصحي ملي پروګرام له لوري د ننګرهار ولایت خوږیاڼو ولسوالۍ د میاګانو په کلي کې د ۴ میلیونه افغانیو په ارزښت د پاکو اوبو رسولو د یوې شبکې د جوړیدو قرارداد د ننګرهار کلیو بیا رغونې او پراختیا ریاست او د یاد کلي اړوند شورا تر منځ لاسلیک شو.
یاده د اوبو رسولو شبکه ۳۰۲۰ متره اوږد پایپ او ۱۱۴ نلکې لري، د دغې پروژې د جوړیدو پر مهال به د سیمې تخنیکي او غیرتخنیکي کارکوونکو لپاره ۱۷۷۸ کاري ورځې برابرې شي.
باید یاده شي چې د یادې شبکې تر جوړیدو وروسته د سیمې ۲۸۵ کورنۍ به پاکو اوبو ته لاس رسی پیدا کړي.
