په میدان ښار کې شاوخوا ١٠٠ کورنۍ د پاکو او صحي اوبو له شتونه برخمنې شوې.
د کلیو د بیارغونې او پراختیا وزارت د اوبو رسولو او روغتیا ساتنې ملي پروګرام لوري د میدان وردګو ولایت، مرکز میدان ښار په سیاه پیتاب سیمه کې د ۲.۶ میلیونه افغانیو په ارزښت چې یونیسیف ادارې چمتو کړې وې د څښاک اوبو رسولو یوه شبکه ګټې اخیستنې ته وسپارل شوه.
دا شبکه پر یو مهال د ٢٠ متره مکعبه اوبو ساتلو ظرفیت لري او د رغولو پر مهال یې ١١٢٦ کاري ورځې د سیمې اوسېدونکو ته رامنځته کړې وې ، چې شا او خوا ١٠٠ کورونو او یو باب مسجد ته یې پاکې او صحي اوبه چمتو کړې.
