په میدان وردګو کې د ٤،٨ میلیونو افغانیو په ارزښت ۳۰۰ زده کونکو ته د پوهنې وړ چاپیریال رامنځ ته شو
د میدان وردګو ولایت، چک ولسوالۍ په دربند سیمه کې د شهید حضرت ګل د نجونو او هلکانو لومړني ښوونځي د رغولو چارې د کلیو بیارغونې او پراختیا وزارت د ولسي تړون ملي پروګرام د اقراء برنامې ته چتر لاندې د یو کال په موده کې بشپړې او ګټې اخیستنې ته وسپارل شو.
یاد ښوونځی شپږ درسي ټولګي، یوه اداري خونه، درې تشنابونه او یوه د څښاک اوبو څاه لري، چې په رغولو یې ٤.٨ میلیونه افغانۍ لګښت شوی په دې ښوونځي سره د یادې سیمې د ٣٠٠ په شا او خوا کې زده کوونکي د یوه معیاري او مناسب زده کړییز چاپیریال له شتونه برخمن شول.
