په لوګر کې یو میلیون افغانیو په ارزښت د اوبو ذخیره او کانال جوړ او ګټې اخیستنې ته وسپارل شول
د کلیو بیارغوني او پراختیا وزارت د ولسي تړون ملي پروګرام له لوري د لوګر ولایت په خوښۍ ولسوالۍ کې د سرې غونډۍ کلي کې د څه باندې ۱ میلیون افغانیو په لګښت د اوبو د یوې زیرمې چې ۵۰۴ متره مکعبه حجم لري او یوه کانال، چې ۳۵۰ متره اوږدوالی لري کارونه بشپړ او ګټې اخستنې ته وسپارل شول.
دا کانال چې د ۶۴ کورنيو ۸۰ جریبه کرنيزه ځمکه خړوبوي. او تخنیکي او ناتخنیکي کاریګرو ته یې ۱۶۵۷ کاري ورځې برابرې کړې.
د يادونې وړده، چې د لوګر ولایت خوښۍ ولسوالۍ اړوند د سرې غونډۍ کلي کې د ولسي تړون ملي پروګرام له لوري د اوبو لګونې، څښاک پاکو اوبو ته د لاسرسي، لمريزې برېښنا او فرعي لارو جوړولو سکټورونو کې ۱۳۰ پروژې منظورې شوي، چې د یو شمېر پروژو چارې بشپړې او ګټې اخيستنې ته سپارل شوي او پاتې نورې به يې په نږدې راتلونکې کې بشپړې او ګټې اخيستنې ته وسپارل شي.
