په لوګر کې څه باندې ۵۴ میلیونه افغانیو په لګښت د کرنیزو ځمکو د اوبو کولو د کانال د جوړیدو کار روان دی
د کلیو د بیا رغونې او پراختیا وزارت د ولسي تړون ملي پروګرام د کرنې لپاره د پراختیا نړیوالې بودجې (IFAD) ) د برنامې له لوري د څه باندې د ۵۴ میلیونه افغانیو په لګښت د کرنیزو مکو د اوبو لګولو کانال د جوړولو کار د لوګر ولایت د مرکز د ۱۲ کلیو د پراختیایي شوراګانو له لوري روان دی. دغه کانال ۱۷ کیلو متره اوږد والی، ۱۵۵ سانتي متره پلنوالی او شاوخوا ۷۰ سانتي متره لوړوالی لري چې کار یې تر اوسه له ۹۰٪ نه زیات بشپړ شوی دی. د نوموړي کانال د کار په بهیر کې هره ورځ په منځنۍ توګه ۴۰۰ تنو ماهرو اوغیر ماهرو کاریګرو ته د کار زمینه برابریږي او د بشپړیدو وروسته به د یادو کلیو د خلکو ۲۴ زره جریبه ځمکه خړوبه شي.
