په غور کې د ۹.۴ میلیونه افغانیو په ارزښت د اوبو رسولو یوه شبکه جوړه شوه
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د غور ولایت د تیورې ولسوالۍ په خواجه غار کلي کې ۹.۴ میلیونه افغانیو په ارزښت د اوبو رسولو یوه شبکه جوړه او ګټې اخیستنې ته وسپارل شوه.
دا شبکه د ۱۰۰ متره مکعبو په کچه یو زیرمه، دوه نیمه ژورې څاه ګانې، فشار ماتونکي، د پمپ خونه، ۴۰ سولرې ښیښې، د سولرونو لپاره محافظتي دیوال، نلکې او میټرونه لري.
باید ووایو چې د دې پروژې په ترڅ کې ۵۶۷۵ کاري ورځې رامنځ شوې وې او په بشپړتیا سره یې ۶۰۰ کورنۍ، یو روغتیايي کلینیک، دوه ښوونځي، د تیورې د مرکز بازار او دولتي ادارې د څښاک له پاکو او صحي اوبو برخمنې شوې.
