په غور ولایت کې د ۱۴.۶ میلیونه افغانیو په ارزښت د څښاک د اوبو پروژه ګټې اخیستنې ته وسپارل شوه
د کلیو د بیارغونې او پراختیا وزارت، په کلیوالي سیمو کې د اوبو رسولو او حفظالصحې د پروګرام له لوري د غور ولایت د فیروز کوه اړوند آهنګران علیا و سفلی کلي کې د ۱۴،۶ میلیونه افغانیو په لګښت سره د اوبو رسولو یوه لویه شبکه جوړه او د ځايي خلکو ګټې اخیستنې ته وسپارل شوه.
د اوبو رسولو ددغې لویې شبکې په جوړېدو سره، چې چارې یې په درېو پړاوونو کې بشپړې شوې، د ۹۰۰ کورنیو، دوو ښوونځیو او یوې مدرسې لپاره د څښلو پاکې اوبه برابرې شوې.
د اوبو رسولو په دغه پروژه کې د درېو ذخیرو جوړول، د څه باندې ۳،۴ کلیومتره شبکې غځول،د کورونو په داخل کې د ۴۵۵ نلبندانونو (شیردهن) او د نورو اړینو پُرزو نصبول شامل وو.
د یادې شوې پروژې د جوړولو چارو د ځايي خلکو لپاره څه باندې ۱۵۰۰۰ کاري ورځې هم رامنځته کړې
