په غور ولايت کې د پاکو اوبو رسولو (۲۸) شبکو د جوړولو چارې پیل شوې
د کليو د بيارغونې او پراختيا وزارت له لوري د غور ولايت په شپږو ولسوالیو کې د (۲.۵) میلیون امریکایي ډالرو په لګښت د پاکو اوبو رسولو (۲۸) شبکو د جوړولو چارې د دغه وزارت محترم وزير الحاج ملا محمد یونس اخندزاده صاحب او مل پلاوي له خوا د يوې غونډې په ترڅ کې پيل شوې.
په دې غونډه کې د کليو د بيارغونې او پراختيا وزارت وزير الحاج ملا محمد یونس اخندزاده صاحب، او مل پلاوي، د یاد ولایت د کلیو د بیارغونې او پراختیا ریاست رئیس ملا ضياء الله خادم ،دولت يار ولسوالۍ ولسوال، یو شمېر نور مسئولینو، علماء کرامو، سپینږیرو او ځوانانو ګډون کړی وو.
د يادو شبکو د کار په جريان کې به سلګونه تنه کاريګرو ته د کار زمينه برابره او په بشپړېدو سره به يې د نوموړيو ولسواليو اوسېدونکي د څښاک پاکو اوبو ته لاسرسی پيدا کړي.
