په غزني کې به د یوه کرنیز کانال په جوړیدو سره ۵۰۰ جریبه ځمکه خروبه شي.
د کلیو د بیا رغونې او پراختیا وزارت د ولسي تړون ملي پروګرام له لوري د څه باندې ۱.۸ میلیونه افغانیو په لګښت د ۵۵۰ متره په اوږدوالي د یوه کرنیز کانال د جوړولو کار د غرني ولایت د ناور ولسوالۍ اړوند د باریک جوی کلي د پراختیایي شورا له لخوا روان دی. د یادونې وړ ده چې دغه کرنیز کانال به ۵۰۰ جریبه کرنیزه ځمکه خړوبه کړي. ددې پروژې د جوړیدو په بهیر کې چې کار یې ۹۰ سلنه پرمخ تللی دی، تخنیکي او نا تخنیکي کاریګرو ته به ۱۷۸۰ کاري ورځې رامنځته شي او ۲۹ کورنۍ به ترینه ګټه واخلي.
