په سمنګان کې د سپما ګروپونه جوړ شول
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام، د سمنګان ولایت مرکز ایبک او په حضرت سلطان ولسوالۍ کې د ښځو او نارینهو ۴۳ سپماګروپونه جوړ کړل، چې ۴۲۷ تنه پکې غړیتوب لري. له دې سره هممهاله، په دې ولایت کې د ۸ پرمختیایې شوراګانو په کچه د ۶۶ښځینه او نارینه سپما ګروپونو لیدنه وشوه او د پروګرام ګټه اخیستونکیو ته د چارو د ښه پرمختیا په موخه د سیمه ییزو کارکوونکیو لهخوا یو لړ سپارښتې وشوې. همدا راز، ۴۱ سپما ګروپونو ته د سپما په موخه بکسونه او د قرطاسېې بنډلونه ووېشل شول.
