په سرپل کې ۲۵ پروژې بشپړې شوې او د ۹۳ نورو پروژو کار روان دی
د کلیو بیا رغونې او پراختیا وزارت د ولسي تړون پروګرام له لوري د سرپل په مرکز او ګوسفندي ولسوالۍ کې ۲۵ پرمختیايي پروژې بشپړې شوي او په یاد ولایت کې د ۹۳ نورو پروژو کارونه روان دي. د څښاک د اوبو چمتو کول، د بریښنا ویش او د اوبه خور زیربنا وې جوړول له دغو پروژو دي، د دې پروژو له بشپړیدا سره د سرپل په مرکز او ګوسفندي ولسوالۍ کې ۳۵ زره کورنۍ ترې ګټه اخلي او ۱۵۰ نورې پروژې به هغه مهال پیل شي چې قسطونه یې پرمختیايي شوراګانو ته ورسیږي چې له دې پروژو به ۲۵ زره کورنۍ ګټه پورته کړي.
