په سرپل کې د ۲ میلیونه افغانیو په ارزښت د اوبو رسولو د یوې شبکې هوکړه لیک لاسلیک شو
د کلیو بیا رغونې او پراختیا وزارت له لوري د سرپل ولایت سانچارک ولسوالۍ په ده مرده کلي کې د یاد ولایت د کلیو بیا رغونې او پراختیا رییس او اړوندې پرمختیايي شورا تر منځ د ۲ میلیونه افغانیو په ارزښت د اوبو رسولو د یوې شبکې هوکړه لیک لاسلیک شو.
دا شبکه ۱۸۶۲ متره اوږدوالی یوه ۹۵ متره ژوره څاه یوه ۲۰ متر مکعبه اوسپنیزه کانکریټي زیرمه او ۱۸ سولري هندارې لري چې په جوړیدو به یې ۵۳۱ کورنۍ د څښاک له پاکو اوبو برخمنې شي.
