په سرپل ولایت کې د څه باندې ۱ میلیون او ۹۰۰ زره افغانیو په لګښت د یو کرنیز کانال د جوړیدو کار روان دی
د څه باندې ۱ میلیون او ۹۰۰ زره افغانیو په لګښت د کلیو د بیا رغونې او پراختیا وزارت د ولسي تړون ملي پروګرام له خوا د یو کرنیز کانال، سره د محافظوی دیوال د جوړولو کار د سرپل ولایت د مرکز اړوند په ګل تپه کلي کې روان دی. دغه کانال ۳۶۳۶ متره اوږد والی لري او د هغه د محافظوي دیوال اوږدوالی ۱۰۰مترو ته رسیږي چی کار یې تر اوسه ۵۰ سلنه پرمختګ کړیدی. د یادونې وړ ده چې د نوموړي کانال د بشپړیدو وروسته به د کلي د ۳۵۲ کورنیو کرنیزې ځمکې خړوبه او د سیلابونو له ګواښ څخه به خوندي شي.
