په خوست کې د کلیوالي اقتصاد د پیاوړتیا ملي پروګرام د بلاعوضه مرستې لېږد تر سره شو
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام د خپلو فعالیتونو په لړکې دا ځل څه د پاسه یو میلیون افغانۍ بلاعوضه مرسته د مقطعي پانګې تر نامه لاندې د خوست ولایت د مندوزیو اسماعیل خېل ولسوالۍ د پور او سپما ۱۸کلیوالي اتحادیو ته ولېږله.
د یادونې وړ ده، چې دا مرسته د پروګرام تر پوښښ لاندې د مندوزیو اسمعیل خېلو ولسوالۍ کلیوالو ته د کوچنیو او منځنیو کاروبارونو د پیل او د اقتصادي چارو د پياوړتیا په موخه وېشل کیږي.
