په خوست کې د سړک د جوړولو د پروژې کار روان دی
په خوست ولایت کې د کلیو د بیا رغونې او پراختیا وزارت د سیمه ییز پروګرام له لوري د پاخه سړک د جوړولو د پروژې کار ۱۸ سلنه مخ ته تللی دی.
د دغې پروژې په ترڅ کې د یاد ولایت د تڼیو ولسوالۍ په حصارک کلي کې د ۱۲.۹۴ کیلو مترو په اوږدوالي سړک په دوو برخو کې په پاخه ډول جوړیږي.
د یادې پروژې د تطبیق پر مهال چې له ملي بودیجې تمویل شوې ۲۲۲۳۱ کاري ورځې رامنځته او د سیمې ۲۶۱۸۰ اوسیدونکي به له دغې پروژې ګټه پورته کړي. د یادونې وړ ده چې د دغې پروژې په بشپړیدو به د سیمې بیلابیل کلي یو له بل سره ونښلول شي او له دغه اړخه به د ځايي اوسیدونکو د تګ او راتګ په لار کې ګڼ شمیر آسانتیاوې رامنځته کړي.
