په خوست ولایت کې د اوبو رسولو د (۱۶) شبکو کار بشپړ او ګټې اخیستنې ته وسپارل شوې
د کلیو د بیارغونې او پراختیا ریاست تر چتر لاندې، د یونیسف ادارې په مالي مرسته او د (OCHR) مؤسسې په تخنیکي همکارۍ د خوست ولایت په مرکز متون او سپیره، نادرشاه کوټ، اسمعیل خیل مندوزي او تڼیو ولسوالیو کې د نږدې ۴۷ میلیونه افغانیو په ارزښت د اوبو رسولو د (۱۶) شبکو چارې بشپړې او ګټې اخیستنې ته وسپارل شوې.
د خوست ولایت د کلیو د بیارغونې او پراختیا رئیس عنایت الرحمن جلالي د شبکو د څرنګوالي په اړه وویل : په یادو شبکو کې د اوبو رسولو نلکې ، د اوبو ۹ ژور څاه ګان ، د لمریزې برېښنا ۳۵۰ سولري ښیښې، د احاطې دېوالونه او د اوبو ذخیره کولو ۱۲ کانګریټي ټانکۍ شامل دي چې په بشپړیدو سره يې د یادو شویو سیمو نږدې ۱۹۴۴۶ کسان د څښاک پاکو اوبو څخه برخمن شول او د تطبیق پر مهال یې د ځایي سیمو لسګونه خلکو ته کاري فرصتونه هم برابر شوي وو.
