په جوزجان کې د کلیوالي اقتصاد د پیاوړتیا ملي پروګرام د فعالیتونو بهیر
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام د جوزجان ولایت په شبرغان ښارکې تر اوسه ۱۰۱۹ سپماګروپونه جوړکړي، چې۸۱۰ یې د مېرمنو او پاتې ۲۰۹ یې د نارینهو دي، یادو سپماګروپونو تر اوسه پخپلو ګروپونو کې۳۴۳۲۱۰ افغانۍ سپمولي، چې دا کار د پروګرام په اړه د خلکو د باور زیاتوالی او د پیسو د سپمولو ارزښت په ګوته کوي؛ چې په کلیوالو کې د پروګرام په هلو ځلو پیدا شوی.
د یادونې وړده، چې تر ډېره بریده د شبرغان ښار نویو جوړ شویو سپماګروپونو د پروګرام د موخو، د سپما د اصولو او کتابدارۍ په برخو کې روزنې ترلاسه کړي. سربېرپردې، د پروګرام له خوا یو شمېر سپماګروپونو ته د پیسو د سپمولو په موخه بکسونه هم وېشل شوي.
