په تېره ميلادي میاشت کې د ۱۰۶ ميليونه افغانیو په ارزښت د اوبو رسولو په برخه کې ۴۰ پروژې بشپړې شوې

د کليو بیارغونې او پراختیا وزارت د اوبو رسولو ملي پروګرام له لوري د روان ميلادي کال د فبروري په میاشت کې د هېواد په یوولس ولایتونو: بلخ، دایکنډي، فراه، فاریاب، هرات، جوزجان، کندهار، خوست، پکیتا، سرپل او زابل کې د ۱۶۰ ميليونه افغانیو په ارزښت د اوبو رسولو او حفظ الصحي په سکتورونو کې ۴۰ پروژې پلي کړي.

په دې پروژو کې د اوبو رسولو د ۱۸ شبکو جوړولو، احاطوي دیوالونه، د څلور ژور څاګانو کېندل، د ۱۴ نېمه ژور څاګانو کېندل او د یوې بلې شبکې رغونه، چې په یاد ولایتونو کې ۵۹۰۰ کورنیو ته د څښاک اوبه برابرې کړې.

همدرنګه د اوبو رسولو د ملي پروګرام د حفظ الصحې، پاکۍ او تعلیماتو په برخه کې د هېواد په اتو ولایتونو: بدخشان، بادغیس، بامیان، دایکنډي، هلمند، کندهار، ننګرهار او پکیتا ولایتونو کې ۱۱۱ تشنابونو نوي جوړ کړي او ۴۸۵ نور یې رغولي.