په تخار کې د ۷۸۶۸ متره اوږد د کرنیزو ځمکو د اوبو کولو کانال د جوړولو چارې روانې دي
د کلیو بیارغونې او پراختیا وزارت د سېمه ییز پروګرام تر څارنې لاندې د اغاخان بنسټ له لوري د KFW په مالي مرسته د تخار په مرکز تالقان کې د ۷۸۶۸ متره اوږد کانال د جوړلو چارې روانې دي.
د دې پروژو په پلې کېدو سره به د سېمې ۵۴۵ کسانو ته دایمي کار پیدا شي او ۱۰ زره ۲۱۳ کسان به له دې کانال څخه په مستقیمه توګه ګټه اخلي.
د یادونې وړ ده، چې یاد کانال به ۳۷۰۰ جریبه ځمکه خړوبه کړي او د اوبو د ضایعې کېدو مخه به هم ونیسي.
